Mishto avilen ko Shvedisko Muzeumo anda Aeroski Zor!

O Shvedisko Muzeumo anda Aeroski Zor si jekh moderno tehnichno thaj kulturalno historijako muzeumo savo sikavel sar buhleardas pes e Shvedisko militarichno avijacija. E muzeumos si les jekh jekhuni kolekcija avionengi, de katar e angluno so sas ando terno 20to shelbersh dzi ko JAS 39 Gripen de agesara.

Pasha e exibicije de maj telal, si amen duj vaj trin temporarno exibicije po bersh. Amen si amen vi aktivno thaj live programoske aktivitetura perdal intrego bersh thaj gidime turura anda grupe ande verver chiba.

O restauranto Calle C servil kafa thaj mismeresko habe kerdo anda ingredientura so sas produkujme ande kodo regiono. Ando milaj si amen jekh than kaj shaj te beshel pes avreal pasha e khelimasko than Leklanda, anda amare terne gostura save trebul te phabaren cira para/aburo.

E muzeumoski bolta inkerel interesanto prezentura, produktura katar designerura, khelimaske bajura, literatura pa avijacija thaj modelo avionura. Kana kamen te ginaven thaj te dzanen maj but, vizitin amaro dzanimasko centrumo saves si arhiva thaj jekh specijalno avijacijaki historija.

Puterimaske chasura

Septembro-Majo:
Marcine-Kurke 11.00-17.00 
Detragine11.00-20.00 
Lujne phandado

Juno-Augusto:
Marcine-Kurke 11.00-17.00 
Detragine 11.00-20.00

Pokin

Shaj te aven andre bilovengo.

Rezervacija pa telefono 

Rezervacija pa telefono anda vizita katar bare grupe
Lujne-Parashtune 09.30-11.00
Telefono: +46 (0)13-495 97 14

Sar te resen kothe

O Shvedisko Muzeumo anda Aeroski Zor si ko Carl Cederströms Gata 2 ando Malmslätt, karing 7 km westo d-anda o centro le forosko Linköping. Traden po drom E4 thaj dzan avri ko 111.

O buso gin 13 katar o Linköping Resecentrum (tradimasko centrumo).

Si amen jekh baro bilovengo parko kaj te parkin e vurdona.

Lila le Garajmaske – o DC-3 savo Hasajlas

O maj kuch bar ando Shvedisko Muzeumo anda Aeroski Zor si o Shedisko DC-3 savo sas jagalesa malado katar jekh Sovieto marimasko aviono opral e Baltichno Marea ando 1952. Pala maj but sar pandzvardesh bersh spekulacijake, e resta arakhlas pes telal ande marea, inkalade lan avri thaj thode lan te pashlol ando muzeumo. E exibicija Lila le Garajmaske - o DC-3 savo Hasajlas si jekh paramis pherdi mistero.

Adzukerindos so si maj Nasul – o Shvedo ande vrama katar o Shudro Marimo

E permanento exibicija, Adzukerindos so si maj nasul - o Shvedo ande vrama katar o Shudro Marimo, phenel e historija pala kodo sar o Shvedo lashardas pes anda jekh marimo savo aba chi astardas te avel, ale e luma adzukerdas les thaj lashardas pes kodoleske, maj but sar shtarvardesh bersh. Si jekh exibicija pala atom bombake programura, dar le Rusondar thaj rodipe pala submarinura, ale vi sekuriteto thaj mishtipe. Kodola save si nostalgichno shaj te vizitin amare autentichno dekorime khereske bukija thaj sikaven e bersha 50to, 60to, 70to thaj 80to.

Shvedisko Militarno Avijacija - katar Pionerura ke jekh Situacija te avel Gata

Ande exibicija pa historija katar e Shvedisko militarno avijacija ande angluni dopash 20to shelbersh si vi e maj purane avionura katar o Shvedisko Muzeumo anda Aeroski Zor , sar si o Ö 1 Tummelisa thaj M 1 Nieuport IV-G. Anda svako vrama, del pes informacija pala e generalno situacija ando Shvedo thaj ande luma, sosko opasnost sas thaj sar e Shvedoski branimaski politika thaj branimaski industrija das odgovor ke kodo opasnost.

E Avionongo Laboratori - Avijacijako Centrumo

O Shvedisko Muzeumo anda Aeroski Zor si jekh than kaj o dzanipe thaj o khelipe aven khetane ande jekh naturalno felo. E Avionongo Laboratori, e muzeumosko dzanimasko centrumo, si les avionenge simulatorura thaj experimentonge stacije kaj si jekh avijacijako temato. So kerel pes ando kher kaj kontrolil pes o aero thaj sar si te aves ande jakh katar jekh furtuna/chori vrama? Ker investigacija, zumav lan thaj te avel tut bari voja! Kothe si but so te kerel pes thaj te arakhel pes avri anda intrego familia.

Mishto avilen!